Aqtóbe oblysy, Qandyaǵash aýylynan 2 shaqyrym jerde «Gazel» qarǵa batyp qalǵan. Kólikte eki adam bolǵan, dep habarlaıdy Egemen.kz.
Qutqarýshylar kólikti qardan súırep shyǵarǵan. Jolaýshylar din aman kúıinde ary qaraı jolǵa shyǵyp ketken.
Osyndaı oqıǵa Ulytaý oblysynda da oryn alǵan. Jańaarqa aýdanyna qarasty Aqtasty aýylynan 10 shaqyrym qashyqta qar qursaýynda qalǵan kólikten eki adam qutqarylǵan.
Tótenshe jaǵdaılar qyzmeti kún raıy týraly habarlamaǵa nazar aýdarýdy jáne boranda eldi mekennen tysqary shyqpaýdy eskertedi. О́ıtkeni boran soqpaǵannyń ózinde syrma júrip, joldy qar basyp qalýy múmkin.