PAVLODAR. 7 aqpan. «Nur Otan» partııasy Pavlodar oblystyq fılıalynyń qoǵamdyq qabyldaý bóliminde «Internetke shyǵý ortalyǵy» atty jańa joba ashyldy. Bul týraly egemen.kz tilshisi habarlady.
Jańa joba «Qazposhta» aksıonerlik qorynyń jergilikti bólimimen birlesip atqarylady. Beıne-konferensııa arqyly turǵyndar «Nur Otan» partııasynyń qoǵamdyq qabyldaý bólimine, ákimdikke saýal joldaı alady. Sondaı-aq poshta bólimshelerine kelip te saýldaryn qoıa alady. Endi Aqtoǵaı aýdanynyń Mútkenov aýyly, Maıqaıyń kenti, Ekibastuzdyń Shiderti kentiniń turǵyndary Skype baǵdarlamasy arqyly partııanyń qabyldaý bólimimen baılanysqa shyǵa alady. Partııanyń oblystyq tóraǵasynyń birinshi orynbasary Aızada Qurmanovaǵa saýaldaryn joldaıdy.
Farıda Byqaı.
Derek: egemen.kz.
Sýret: egemen.kz.