PAVLODAR. 7 aqpan. Pavlodar oblysyndaǵy Ertis aýdan ortalyǵynda Qazaqstan halqy Assambleıasy jyldyǵyna oraı merekelik jıyn bolyp ótti. Bul týraly egemen.kz tilshisi habarlady.
Ártúrli ult ókilderi toly jınalǵan jurtshylyqqa aýdan ákiminiń orynbasary Erjan Rahymjanov Elbasy, Qazaqstan halqy Assambleıasynyń tóraǵasy Nursultan Nazarbaevtyń quttyqtaýyn oqyp berdi. Aýdandaǵy slavıan, belarýs etnomádenı birlestikteriniń jetekshileri Irına Kachanova, Svetlana Shkınder quttyqtaý sózderin arnasa, «Ájeler» tobynyń jetekshisi Baqytjamal Baıtoǵaı da aq tilekterin joldady. Osyndaı tilekterden soń Qazaqstan halqy Assambleıasy jylynyń ashylý qurmetine Assambleıa Týy kókke kóterildi.
Merekelik jıyn sońy mádenıet úıinde ótken túrli ult ókilderiniń ánderi men bılerine ulasqan konserttik baǵdarlamamen jalǵasty.
Farıda Byqaı.
Derek: egemen.kz.
Sýret: egemen.kz.