Memleket basshysynyń bastamasymen qolǵa alynǵan «Taza Qazaqstan» ekologııalyq baǵdarlamasy aıasynda Qyzylordada aýqymdy is-sharalar uıymdastyryldy, dep habarlaıdy Egemen.kz.
Qaladaǵy «Jasyl Qyzylorda» mekemesiniń mamandary kóshe boılaryn kógaldandyrýǵa daıyndyqty bastady. Aryq júıelerin tazalaý jáne kógaldardy kútip-baptaý da júıeli júrgizilip keledi. Al «Qyzylorda tazalyǵy» mekemesi kósheler men qoǵamdyq oryndardyń qoqysyn jınap, mekeme qyzmetkerleri men turǵyndar qatysatyn senbilikter uıymdastyryp jatyr. О́tken senbilikte oblys ortalyǵy men barlyq aýdan turǵyndary belsendilik tanytty.
Jalpy ekologııalyq is-shara bastalǵaly beri oǵan 730 000-ǵa jýyq oblys turǵyny qatysyp, 27 000 tonnadan astam qoqys shyǵarylǵan. Eki jyldan beri oblysta «Úlgili eldi meken» baıqaýy ótkizilip keledi. Baıqaý sheńberinde oblystyq bıýdjetten 1,5 mlrd teńge bólinip, jeńimpaz eldi mekenderge 48 arnaıy kommýnaldyq tehnıka tabystaldy.