Pavlodar. 8 aqpan. Pavlodar oblysynda Údemeli ındýstrııalyq-ınnovasııalyq damý baǵdarlamasynyń ekinshi besjyldyǵy aıasynda 21 jobany júzege asyrý josparlanýda, onyń 7-i bıyl iske qosylady. Bul týraly egemen.kz tilshisi habarlady.
Oblys ákimdiginiń málimetinshe, ótken jyly iri jobalarda jergilikti qamtýdy ulǵaıtý boıynsha kelissóz júrgizilipti. Mysaly, «Astana EKSPO-2017» UK AQ jáne merdigerlerimen seriktestik jónindegi memorandýmǵa qol qoıyldy. Oblysqa kelgen «Tengızshevroıl» JShS delegasııasy óńirimizdegi 8 kásipornnyń jumysymen tanysyty. Bul jergilikti qamtýdyń úlesin arttyrýǵa múmkindik beredi. Qubyr ónimderiniń 150 myń tonnasyn tasymaldaý boıynsha kelisimshart jasaldy. Qazir kabel-sym ónimderin jetkizý máseleleri sheshilýde.
2010-2014 jyldar aralyǵynda óńirimizde ÚIID baǵdarlamasy sheńberinde 68 joba iske qosyldy. Memlekettik baǵdarlamanyń alǵashqy besjyldyǵynda júzege asyrylǵan jobalarǵa 274,4 mlrd. teńge jumsalǵan. Endi jańa jobalar iske qosylǵan soń, barlyǵy 2 myń jumys orny ashylady.
Farıda Byqaı.
Derek: egemen.kz.
Sýret: egemen.kz.