О́SKEMEN. 9 aqpan. Uly Abaıdyń 170 jyldyǵy qarsańynda Shyǵys Qazaqstan oblysynyń ákimdigi mereıtoılyq sharalardy aqynnyń otany – Jıdebaıda, sondaı-aq óńirdegi bilim jáne mádenıet mekemelerinde keńinen atap ótetin bolady. Oǵan tanymal óner jáne mádenıet qaıratkerleri, qoǵamdyq birlestikter, kommersııalyq emes uıymdar men bıznes ókilderi qatysady. Bul týraly egemen.kz tilshisi habarlady.
Bekitilgen kestege sáıkes, belgili aǵylshyn kompozıtory Karl Djenkınstiń «Abaı-Shákárim» oratorııasy oryndalatyn konserttik kesh, Búkilálemdik poezııa kúnine oraı «Abaı poezııasy: álem tilderinde» festıvali, teatr festıvalderi, Abaıdyń qarasózderi boıynsha monospektakl qoıylymdary, Abaı shyǵarmalary boıynsha túrli konserttik baǵdarlamalar ótkizý josparlanyp otyr.
Sondaı-aq «Abaıdyń rýhanı ortalyǵy» jáne sırek kitaptar murajaıy, oıshyl aqynnyń týyndylary boıynsha sýretshiler ıllıýstrasııalarynyń kórmesi, «Ǵasyrlarmen úndesken asyl qazyna», «Semeı – elimizdiń rýhanı-mádenı astanasy» retro-festıvali, abaıtanýshylardyń onlaın-dáristeri, aqyndar aıtysy, jastar arasyndaǵy baıqaýlar, kitap kórmeleri tusaýyn kesedi. Jazda «Abaı kúnderi» atty aqynnyń shyǵarmashylyq ǵumyry jáne ómirimen baılanysy bar jerlermen ótetin týrıstik marshrýt bastalady.
Odan ózge О́skemen men Semeıde «Bizdiń Abaı» elektrondy kitaphanasy ashylady. Semeıdegi Abaı atyndaǵy kitaphananyń saıtynda «Abaı oqyǵan kitaptar» ataýymen sırek kitaptar qorynyń vırtýaldy kórmesi uıymdastyrylady.
Mereıtoıdyń túıini «Jıdebaı-Bórili» murajaı kesheninde saltanatty sharamen aıaqtalady.
Dýman Anash.
Derek: egemen.kz.
Sýret: altaynews.kz.