О́SKEMEN. 9 aqpan. О́skemende memlekettik-jeke áriptestik sheńberinde balabaqsha ashý máseleleri qarastyrylǵan jıyn ótti. Bul týraly egemen.kz tilshisi habarlady.
Sharaǵa birqatar kásipkerler shaqyrylyp, 2006 jyldyń 7 shildesinde qabyldanǵan QR «Konsessııalar týraly» Zańy aıasyndaǵy bıznestiń jańa baǵyttaryn qurý múmkindikteri túsindirildi.
«Shyǵys Qazaqstan oblysy memlekettik-jeke áriptestik óńirlik ortalyǵy» AQ jetekshisi Álııa Masaqova oblys pen kásipkerler arasyndaǵy birikken jobalardy damytý jóninde áńgimeledi. Atalǵan ortalyq bilim salasynda eki jobany – balabaqshalar kesheniniń qurylysy men paıdalanýǵa berilýin júzege asyrady.
«О́skemende 1640 orynǵa eseptelgen 6 balabaqsha qurylysyn júrgizý josparlanyp otyr. Konsessıonerdiń kirisi memlekettik bilim berý tapsyrystaryn ornalastyrý jáne qosymsha bilim berý qyzmetin kórsetý esebinen túsedi», – dedi Álııa Masaqova.
Sondaı-aq memleket konsessıonerdiń ınvestısııalyq shyǵynynyń belgili kólemine 7 jyldyq kompensasııalyq qoldaý túrin usynady. Odan ózge ýaqytsha qaıtarymsyz paıdalaný quqy bar jer telimin usynyp, ınjenerlik jelilerdi tartýǵa kómektesedi.
Jıynǵa qatysqan halyqaralyq sarapshy Per Iv Lıýk mundaı áriptestiktiń kásipkerler úshin óte paıdaly ekendigin aıtty. «Men budan bıznesti qoldaýdyń úlken sharalaryn kórip turmyn. Qazaqstanda orta qyzmet kórsetý, áleýmettik qyzmet kórsetý salalary óte paıdaly, keleshegi bar jobalar bolyp tabylady», – dedi ol.
Osydan keıin bıznes ókilderi birqatar saýaldaryn qoıdy. Olarǵa kásipker Almagúl Myńbaeva jaýap berdi. Qazir onyń О́skemende eki balabaqshasy, Zyrıanda bir balabaqshasy bar. Balabaqshalardyń biri Sogra yqshamaýdanynda ornalasqan. Bul – qalanyń atalǵan bóliginde búldirshinderdi eki tilde tárbıeleıtin jáne 1,5 jastan bastap qabyldaıtyn jalǵyz balabaqsha. Onda 11 toptan turatyn 385 bala tárbıelenedi. 73 adam jumyspen qamtylyp otyr. Kásipker úsh balabaqshaǵa 1020 orynǵa memlekettik bilim tapsyrysyn alǵan. Osy arqyly jalpy esepte 214 jas mamanǵa jumys kózin taýyp berdi.
Dýman Anash.
Derek: egemen.kz
Sýret: О́skemen qalamsy ákimdiginiń baspasóz qyzmeti.