AQTО́BE. 9 aqpan. Aqtóbede ishki ister organdary qyzmetkerleriniń arasynda shańǵydan jarys ótkizildi. Bul týraly egemen.kz tilshisi habarlady.
Qala mańyndaǵy «Kirpishti» kentindegi shańǵy bazasynda «Dınamo» dene shynyqtyrý sport qoǵamnyń 90 jyldyǵyna arnalǵan ishki ister organy qyzmetkerleri arasynda shańǵydan jarys ótkizildi. Jarysty oblystyq ishki ister departamenti uıymdastyrdy. Sporttyq is-sharanyń basty maqsaty - ishki ister organynda dene shynyqtyrý, sport jumystaryn jetildirý, densaýlyqty kúsheıtý, aǵzany shynyqtyrý, shydamdylyqqa, jyldamdyqqa, batyldyqqa, tabandylyqqa tárbıleý úshin qysqy sport túrlerin nasıhattaý, sondaı-aq Qazaqstan polısııasynyń ımıdjin kóterý bolyp tabylady. Bul jarysqa tek attestattalǵan polısııa qyzmetkerleri qatysty. Dodaǵa barlyǵy 80 adam qatysty, olar 25 komandaǵa bólinip, ár komandada eki er adam, bir áıel adam boldy. Sonymen qatar, aıta ketý kerek jarysqa birinshi ret qylmystyq atqarý júıesi departamenti, mamandandyrylǵan kúzet qyzmeti basqarmasy, Aqtóbe zań ınstıtýtynyń qyzmetkerleri de qatysty. Sondaı-aq ishki ister organynyń ardagerleri men zeınetkerleri de jarys jolyna shyqty.
Barlyq jeńimpazdar men qatysýshylarǵa baǵaly syılyqtar, sporttyq kostıýmder, sporttyq formalar, sómkeler, sondaı-aq kýbok, medaldar men gramotalar tabystaldy.
Satybaldy Sáýirbaı.
Derek: egemen.kz.
Sýret: egemen.kz.