Birikken Ulttar Uıymynyń Damý baǵdarlamasy (BUU DB) men Ekologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti «Ulytaý» ulttyq parki men «Ile-Balqash» tabıǵı rezervatyna eki arnaıy aýyr júk kóligin tapsyrdy. Kólikterdi tapsyrý rásimi BUU DB men Qazaqstan Úkimetiniń birlesken jobasy aıasynda júzege asyryldy.
Joba Turan jolbarysyn qaıta jersindirýge jaǵdaı jasaýǵa, sondaı-aq Ulytaý taýly aımaǵynyń tabıǵı, tarıhı-mádenı muralaryn saqtaýǵa baǵyttalǵan. Zamanaýı kólikterdiń ótimdiligi joǵary, qorǵalatyn tabıǵı aýmaqtarda sanıtarlyq jumystar júrgizý sııaqty bıotehnıkalyq sharalardy tıimdi iske asyrýǵa múmkindik beredi.
«Qorǵalatyn tabıǵı aýmaqtarǵa materıaldyq-tehnıkalyq qoldaý kórsetý – BUU DB-nyń bıoalýantúrlilikti saqtaý, ekojúıelerdi qalpyna keltirý jónindegi keń aýqymdy kúsh-jigeriniń bir bóligi. Bul bastamalar eldegi qorǵalatyn tabıǵı aýmaqtar jelisin damytýǵa, tabıǵatty qorǵaý salasy qyzmetkerleriniń biliktiligin arttyrýǵa, ormandardy – ǵalamdyq mańyzy bar ekojúıelerdiń bir bóligin qalpyna keltirýge, sondaı-aq shalǵaıdaǵy jergilikti qaýymdastyqtarǵa qoldaý kórsetýge baǵyttalǵan. Osy sharalardy júzege asyrý elimizge bıoalýantúrlilik pen klımattyń ózgerýi jónindegi halyqaralyq mindettemelerin oryndaýǵa múmkindik beredi», dep atap ótti elimizdegi BUU DB-nyń turaqty ókili Katarjına Vavernıa.
Ekologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıtetiniń tóraǵasy Danııar Turǵambaev Úkimet pen BUU DB-nyń janýarlar men ósimdikterdiń negizgi túrlerin, sondaı-aq ekojúıelerdi saqtaý maqsatynda qorǵalatyn tabıǵı aýmaqtar jelisin damytý, olardyń tehnıkalyq áleýetin arttyrý jónindegi yntymaqtastyqty jalǵastyryp jatqanyn aıtty.
«Búginde 470,000 gektardan astam aýmaqty qamtıtyn eki qanatqaqty qorǵalatyn tabıǵı aýmaqta bıoalýantúrlilik pen ekojúıelerdi saqtaýǵa baǵyttalǵan aýqymdy jumystar júrgizilip jatyr. Úsh jyl ishinde joba aıasynda «Ulytaý» ulttyq parkiniń basqarý jospary ázirlenip, ekotýrızmdi damytý arqyly aýyldyq jerlerde jumys oryndaryn qurýdyń negizi qalandy. «Ile-Balqash» tabıǵı rezervaty aýmaǵynda Turan jolbarysyn qaıta jersindirýge qajetti jaǵdaılar jasalady, ózen jaıylmasynyń ormandary qalpyna keltirilip, jabaıy tuıaqty janýarlar popýlıasııasy kóbeıtiledi. Qorǵalatyn tabıǵı aýmaqtardy zamanaýı kóliktermen qamtamasyz etý – óńirlik damý bastamalaryn júzege asyrýǵa qosylǵan mańyzdy úles», dedi D.Turǵambaev.
BUU DB men el Úkimetiniń Almaty, Ulytaý oblystaryn qamtıtyn jobasy 2021 jyldan beri júzege asyrylyp keledi. Qazirde aýmaqtarda týrıstik soqpaqtar jasalyp, aýyl kásipkerlerine arnalǵan ekotýrızm negizderi jóninde trenıngter ótkizilip jatyr. Sonymen qatar Ile ózeni boıyndaǵy, Ońtústik Balqash óńiri men Ulytaý taý bókterindegi toǵaılardy qalpyna keltirý jumystary júrgizilýde. О́rt, basqa da tabıǵı apattarǵa qarsy kúresý úshin joba aıasynda órtke qarsy jabdyqtar berilip, SMART-patrýldeý júıesi engizildi. BUU DB qoldaýymen «Ile-Balqash» tabıǵı rezervaty aýmaǵyna 100 qulan qaıta jersindirildi.