Muqtaj jandarǵa eleýli kómek

Eńbek jáne halyqty áleýmettik qorǵaý mınıstrligi Áleýmettik qorǵaý salasyn damytýdyń ulttyq ǵylymı ortalyǵy byltyr halyqqa kórsetiletin qyzmetterdiń sapasyn jaqsartý men kólemin arttyrýda aıtarlyqtaı jetistikke jetken. Onyń shinde sýrdologııalyq ádisterdiń sany jáne kohlearly ımplanttary bar balalarǵa kórsetiletin kómek kólemi ósken. 3D-tehnologııalardy paıdalana otyryp protezdeý jetildirilgen. Mysaly, byltyr ulttyq ǵylymı ortalyqta halyqty sýrdolo­gııa­lyq qabyldaý 10%-ǵa, medısınalyq-tehnı­kalyq ko­mıssııanyń konsýltasııasy 28%-ǵa artqan. Azamattar­dyń ótinishteri kóbeıgenine baılanysty estý-sóıleýdi ońaltýǵa tartylǵan qyzmetkerler shtaty keńeıtildi. Jumystyń osy baǵytynda 25 maman biliktiligin arttyrý kýrsynan ótipti.

Kúndizgi jáne táýlik boıy baqylaý jaǵdaıynda estý-sóıleýdi ońaltý barysynda kohlearlyq ımplanttaýdan keıin balalarmen jumys isteý úshin jańa ádistemelik jáne bilim baǵdarlamalary ázirlendi. Eldiń shalǵaı óńirlerinen kohlearlyq ımplanttary bar balalarǵa kómek kórsetý deńgeıi artqan. Sonyń ishinde Abaı, Ulytaý oblystarynyń pasıentteri de qosymsha qamtyldy. Osylaısha, 17 óńirdegi osyndaı járdemge muqtaj bala­larǵa tıisti kómek kórsetilipti.

Jalpy, Áleýmettik qorǵaý salasyn damytýdyń ult­tyq ǵylymı ortalyǵy pasıentteriniń 80%-dan astamy kórsetiletin qyzmetterdiń sapasyna qanaǵattanaty­nyn aıtty. Budan basqa, ortalyqta protezdik-ortopedııa­lyq salada ınnovasııalyq tehnologııalar engizilgen. 3D-tehnologııalardy paıdalana otyryp protezdeýdiń tehnologııalyq úderisteri jetildirilgen. Memlekettik tapsyrys aıasynda 248 protezdik-ortopedııalyq buıym jasalsa, onyń 6-aýy ınnovasııalyq, 242-si jańa tehnologııalar arqyly iske asqan.