Búgin Jambyl oblysynyń ákimi Erbol Qarashókeev turǵyndarǵa baspana kiltteri men turmystyq tehnıkanyń sertıfıkatyn saltanatty túrde tabystady, dep habarlaıdy Egemen.kz.
Baspanaǵa 2012-2015 jyldary aralyǵynda kezekke turǵan kópbalaly analar, tolyq emes otbasylar, II top múgedekteri, jetim balalar jáne UOS teńestirilgen azamattar qol jetkizdi.
Oblys ákiminiń baspasóz qyzmetiniń málimetinshe «Uly dala» shaǵynaýdanynda ornalasqan №26 úıdiń jalpy aýdany 9 600 sharshy metrdi quraıdy. 160 páterli (2 bólmeli) kópqabatty turǵyn úıdiń qurylys jumystaryn «Aulet Stroy Taraz» JShS-sy júrgizgen.
Oblys ákimi halyqpen birge úılerdi aralap, sapasyn tekserdi. Budan soń sol úıdiń mańyna 20 túp aǵash otyrǵyzyldy.