Petropavl qalasyndaǵy Islam mádenıetiniń tarıhy mýzeıinde Baǵdat qalasynan ákelingen myna taspıyq tur. Onyń árbir tasy taýyq jumyrtqasyndaı. Taspıyq tastary qyshtan jasalǵan. Barlyq tasqa Iаsın súresi basynan aıaǵyna deıin jazylǵan. Mýzeıdiń dırektory Murat Ámirjannyń aıtýyna qaraǵanda, salmaǵy 2-3 kg. Bir qyzyǵy, ony tapsyrǵan adam óziniń aty-jónin ataýdy qalamapty.
Bul jigit 2003–2008 jyldar aralyǵynda Bitimgershilik mıssııasy negizinde qurylǵan qazaqstandyq ınjenerlik-saperlik otrıadtyń quramynda Baǵdat qalasynyń aýmaǵyn jarylǵysh zattardan tazartý jumystaryna qatysqan eken. Birde qalanyń bir meshitin tazartý barysynda qırandy arasynan osy taspıyqty taýyp alyp, meshittiń ımamyna beredi. Ekeýi aǵylshyn tilinde sóılesip, ımam jigittiń musylman elderiniń biri – Qazaqstannan kelgenin anyqtap, taspıyqty elderińe apara ǵoı, sizderge bergen syılyǵym bolsyn degen eken. Sol taspıyqty jigit ózinde biraz ustap, Islam mádenıetiniń tarıhy mýzeıi ashylǵanda tabys etipti. Sóıtip, shamamen HIH ǵasyrda jasalǵan jádiger Islam mádenıetiniń tarıhy mýzeıine qoıylǵan.
Qazir ol kórermenniń kózaıymyna aınalyp, mýzeıdegi baǵaly eksponattar qatarynan oryn alǵan. Ekskýrsııa júrgizýshi Alqatııa Ahmetbekova da ol týraly qyzyqty baıandaıdy. О́nerin Islam jádigerin jasaýǵa arnaǵan belgisiz sheberdiń esimine kórermender tamasha týyndysy úshin alǵys aıtyp, ony qyzyǵa tamashalaıdy.
PETROPAVL