2025 jylǵy 6 naýryzda elimizdiń soltústik, shyǵys jáne ortalyq óńirlerinde «Kóktem-2025» respýblıkalyq komandalyq-shtabtyq oqý-jattyǵýynyń 2-shi kezeńi bastaldy, dep habarlaıdy Egemen.kz.
Oqý-jattyǵýdyń taqyryby «Sý tasqyny kezeńi jaǵdaılaryndaǵy tótenshe jaǵdaılardy joıý kezindegi is-qımyldarǵa azamattyq qorǵaý memlekettik júıesiniń basqarý organdaryn, kúshteri men quraldaryn daıyndaý».
Tótenshe jaǵdaılar mınıstrliginiń habarlaýynsha, oqý-jattyǵý azamattyq qorǵaý memlekettik júıesiniń jáne halyqtyń kóktem mezgili jaǵdaıynda tótenshe jaǵdaılardy joıýǵa daıyndyǵy men qabilettiligin arttyrý, azamattyq qorǵaý qyzmetteri men quralymdarynyń kóktem kezeńdegi TJ-ǵa den qoıýǵa daıyndyǵyn tekserý maqsatynda ótkiziledi.
Aıta keteıik, oqý úılestirý jáne jetekshilik etý jónindegi respýblıkalyq shtab Qostanaıda ornalasqan. Oqý-jattyǵýdyń basshysy Tótenshe jaǵdaılar vıse-mınıstri R.F. Kamalov.
«Oqý-jattyǵý sheńberinde eki kún boıy Astana qalasynda, Aqmola, Shyǵys Qazaqstan, Qostanaı, Qaraǵandy, Pavlodar, Soltústik Qazaqstan, Abaı jáne Ulytaý oblystarynda TJ joıý jónindegi is-qımyldardy pysyqtaý boıynsha komandalyq-shtabtyq jattyǵýlar, avarııalyq-qutqarý qyzmetterimen jáne azamattyq qorǵaý quralymdarymen praktıkalyq is-qımyldar ótkiziledi», delingen habarlamada.