Tótenshe jaǵdaılar mınıstrligi aýa raıynyń qolaısyzdyǵyna baılanysty daýyldy eskertýlerdi eskerip, qolaısyz jaǵdaıda eldi mekenderden shyqpaýǵa keńes beredi, dep habarlaıdy Egemen.kz TJM baspasóz qyzmetine silteme jasap.
«Qatty boran men qarly burqasyn saldarynan túnde Ulytaý, Qaraǵandy, Abaı jáne Aqtóbe oblystarynda birqatar jeńil kólik jolda qalyp qoıǵan», — delingen habarlamada.
Yrǵyz aýdanynda «Yrǵyz-Nura» tas jolynyń 80-shaqyrymynda Gazel markaly avtokólik qar qursaýynda qalǵan. Qutqarýshylar vahtalyq kólikpen jetip, kólikti qardan shyǵaryp, tazartylǵan jol bóligine deıin súırep apardy. Júrgizýshi óz betinshe jolyn jalǵastyrdy, medısınalyq kómek qajet bolǵan joq.
Buqar jyraý aýdanynda, Qurylys aýylynyń mańynda jeńil avtokólik qarǵa batyp, júre almaı qalǵan. Oqıǵa ornyna jetken TJM qyzmetkerleri Trekol jol talǵamaıtyn kóliginiń kómegimen kólikti qardan shyǵaryp, tórt jolaýshyny qutqardy. Olardyń arasynda bala da bolǵan. Abyroı bolǵanda, eshkim zardap shekken joq.