Elimizdegi sý tasqyny qaýpi bar aımaqtarda onyń aldyn alý jumystary qarqyndy júrgizilip jatyr, dep jazady Egemen.kz.
TJM málimetinshe, óńirlerde 590 km qorǵanys bógenderi men bilikteri turǵyzylǵan, 822 km drenaj júıeleri, kanaldar men aryqtar jóndelip, salynǵan. Avtomobıl jáne temirjol qatynastarynda 960 sý ótkizý qurylysy ornatylyp, aýystyrylǵan. 74 ózenniń qaýipti ýchaskelerinde 500 km jýyq túbin tereńdetý, jaǵalaýdy nyǵaıtý jáne arnalardy tazartý jumystary atqarylǵan.
Zardap shekkenderdi qabyldaýǵa arnalǵan 3,5 myńnan astam pýnkt daıyndalyp, bronnan bosatylǵan jaǵdaıda tirshilikti qamtamasyz etý quraldary men memlekettik materıaldyq rezerv tehnıkasy aıqyndalǵan. Osy sharalardyń barlyǵy halyqtyń qaýipsizdigin arttyrýǵa jáne yqtımal sý tasqynynan bolatyn zalaldy barynsha azaıtýǵa baǵyttalyp otyr.
Almaty oblysyndaǵy sý tasqyny qaýipti ýchaskelerge aerovızýaldy tekserý júrgizildi. Tekserý Baǵyt Bartoǵaı sý qoımasy, Aqtoǵan aýyly, Masaq aýyly, Ile ózeniniń 164-shi km, sondaı-aq Baqanas, Baqbaqty jáne Jıdeli eldi mekenderin qosa alǵanda, Eńbekshiqazaq jáne Balqash aýdandarynyń sý tasqyny qaýpi bar aımaqtaryn qamtyǵan. Múddeli organdardyń ókilderimen birlesip ózenderge, sý qoımalaryna jáne qar jamylǵysyna aerovızýaldy tekserý júrgizilgen.
Aqtóbe oblysynda kóktemgi sý tasqynyna daıyndyq jumystary qarqyndy júrgizilip jatyr. Júıelerdi qardan tazartý jumystary oblys kóleminde jáne qalanyń barlyq aýdandarynda júrgizilýde. Sý tasqynynyń aldyn alý maqsatynda TJM qutqarýshylary, 20982 áskerı bóliminiń, 30238 áskerı bóliminiń qyzmetkerleri jáne Áýe qorǵanysy kúshteri Áskerı ınstıtýtynyń kýrsanttary «Altyn Orda» shaǵyn aýdanynda kanaldardy, nóser jáne sý ótkizý qubyrlaryn qardan tazartý jumystaryn júrgizdi. Barlyǵy 1,5 m tereńdikte 3 km qar tazartyldy. Sondaı-aq Elek ózenindegi muz keptelisterin aldyn ala joıýdyń aldyn alý maqsatynda demalys oryndary ornalasqan aýdanda muz keptelisterin aldyn ala joıý boıynsha jarylys jumystary júrgizildi. Nátıjesinde ózen arnasynda jarylǵysh zattardyń kómegimen 5 myń sharshy metr aýmaqta jarylys jumystary júrgizildi.
Jetisý oblysynyń aýmaǵynda sý tasqyny jaǵdaıy turaqty, aldyn alý sharalary jalǵasyp jatyr. «Qazgıdromet» RMK derekterine sáıkes qar jamylǵysynyń deńgeıi men topyraqtyń ylǵaldylyǵy byltyrǵy kórsetkishterden asyp túsedi, bul joǵary baqylaýdy qajet etedi. «Qazgıdromet» aldyn ala boljamy boıynsha sý basý qaýpi joǵary aımaqtarǵa Alakól, Eskeldi, Kerbulaq jáne Kóksý aýdandary jatady. Ortasha qaýipti aýdandarǵa – Panfılov jáne Sarqan, tómen táýekelge – Taldyqorǵan, Qaratal jáne Aqsý aýdandary enip otyr.
Qostanaı oblysynda daıyndyq sharalary belsendi júrgizilýde. О́ńirdiń barlyq aýdandarynda profılaktıkalyq jumystar kúsheıtildi, sý qubyry júıeleri tazartyldy, ınertti materıaldar daıyndalyp jatyr. Sý tasqynynyń aldyn alý jónindegi is-sharalar sheńberinde TJM 68303 áskerı bóliminiń 50 áskerı qyzmetshi men 5 tehnıkasy Abaı oblysynan Qostanaı oblysyna jiberilgen. Áskerı qyzmetshiler sý tasqynynyń yqtımal saldaryn joıý jáne qorǵanysh qurylystaryn nyǵaıtý boıynsha jumystar júrgizedi.