О́zbekstanda ótken álem chempıonatyna 15 jastaǵy Uı̆ǵyr aýdanynyń sportshysy Raýshan Toqtarbaı̆ qatysyp, eki dúrkin chempıon atandy. Osy mereıli jeńiske oraı, aýdandyq balalar jáne jasóspirimder sport mektebinde keleli kezdesý ótti.
Jıynǵa qurmetti qonaq retinde Armııa Ýshýrov shaqyryldy. 93 jastaǵy sportshyny barsha jurt qurmet tutady. Ardager – aýdandaǵy jeńil atletıkadan elimizdiń 12 márte chempıony atanǵan jalǵyz sportshy. Kezdesý barysynda qart sportshy júrip ótken jolynan qyzyqty estelikter aıtyp berdi. Al 15 jastaǵy sportshy Raýshan Toqtarbaı̆ óziniń jetistikterimen bólisti.
«Armrestlıngke 2022 jyly keldim. Bir jyl ishinde Almaty oblysynyń chempıony atandym, elimizdiń chempıonatynda 3-oryn ıelendim. Keıingi kezdegi jetistigim О́zbekstanda ótken álem chempıonatynda bas júldeni ıelenýim boldy», deıdi júzi bal-bul janǵan chempıon qyz.
Sport mektebiniń irgesi 1971 jyly qalanǵan. Munda basketbol, voleı̆bol, fýtbol, erkin kúres, dzıýdo, qazaq kúresi, armrestlıng, boks sekildi 11 sport úı̆irmesinde 1048 bala jattyǵady.
«2024 jyly 134 sportshymyz túrli birinshilikte júldeli oryndarǵa ıe boldy. Onyń ishinde altyn alǵandardyń sany – 42. Sport ǵımaratynyń eski ekeni ras. Aldaǵy jyldarda úlken sport kesheni ashylady dep josparlanǵan. Sol qýanyshty jańalyqty asyǵa kútip júrmiz» deı̆di aýdandyq balalar men jasóspirimder mektebiniń dırektory Saıan Ahmetov.
Sondaı̆-aq bul jerde taǵy bir erekshe sportshy jattyǵady. Ol – Rahmetjan Hamraev. Bala kúninde julynynan jaraqat alyp, aıaqtary qımylsyz qalǵan azamat sportqa birjola den qoıǵan.
«Paýerlıftıngpen 2012 jyldan bastap aı̆nalysamyn. Sportqa ákem ákeldi. Birden kelise kettim. Boı̆ymdaǵy múgedektikke mán bermedim. El qatarly jattyǵyp, túrli chempıonatta (Azııa oı̆yndary, álem, el birinshiligi) júldeli boldym. Parıjde ótken jazǵy Paralımpıadaǵa da qatystym. Birneshe ret álem rekordyn jańarttym. 206 kılo shtangany kóterip, bir belesti baǵyndyrdym. Bul men úshin úlken jetistik», degen R.Hamraev jastardy salamatty ómir saltyn ustanýǵa shaqyrdy.
Almaty oblysy