Keshe keshke qaraı kúsheıe túsken qarly boran men kóktaıǵaqtyń saldarynan óńirde aýyr júk kólikteri men qoǵamdyq kólikterdiń jolǵa shyǵýyna tyıym salyndy. Oblystyq mańyzǵa ıe tórt, respýblıkalyq mańyzy bar eki trassaǵa shekteý engizildi, dep habarlaıdy Egemen.kz.
Túnde Oktıabr kenti men Áýlıekól aýylynyń arasyndaǵy avtojolda Aqmola oblysynan kele jatqan 174 júk kóligi turyp qaldy. Jolda qalǵan kólikterdiń ishinde jolaýshylar avtobýsy da bar.
Mysaly, Qyrǵyzstannan Reseıge bara jatqan avtobýsta 4 bala, 5 áıel, 42 er adam bolǵan. Polısııa qyzmetkerleri jolaýshylardy mektep janynan ashylǵan jylytý pýnktine ornalastyryp, as-sýmen, jatyn orynmen qamtamasyz etken.
«Blokposttardaǵy jol qaýipsizdigin patrýldik polıseıler, TJD, «QazAvtoJol» qyzmetkerleri, jergilikti atqarýshy bılik ókilderi qamtamasyz etip jatyr» dep málimdedi oblystyq PD-nyń baspasóz qyzmeti.