Astanada Qorǵanys mınıstri general-polkovnık Rýslan Jaqsylyqov «Qarýly kúshterdiń ardagerleri» RQB Ortalyq keńesiniń múshelerimen jáne uıymnyń óńirlik fılıaldarynyń tóraǵalarymen kezdesý ótkizdi.
Jıynǵa «Qarýly kúshterdiń ardagerleri» RQB Ortalyq keńesiniń tóraǵasy, Halyq qaharmany, armııa generaly Muhtar Altynbaev, Qorǵanys mınıstriniń orynbasarlary, Qarýly kúshter túrleriniń bas qolbasshylary jáne qorǵanys isteri jónindegi departamentterdiń basshylary qatysty.
Qorǵanys mınıstri jaýyngerlik daıyndyq, bitimgerlik qyzmet, armııany tehnıkalyq jaraqtandyrý, halyqaralyq yntymaqtastyqty damytý jáne merzimdi qyzmet sarbazdary úshin qyzmet jaǵdaılaryn jaqsartý salasyndaǵy jetistikter týraly aıtyp berdi. Ol sondaı-aq Qarýly kúshterdiń jaýyngerlik dástúrleri men rýhanı qundylyqtaryn saqtaýdaǵy ardagerler qyzmetiniń mańyzyn atap ótti.
R.Jaqsylyqov salanyń buryn joıylǵan jeńildikterdi qalpyna keltirý jónindegi jumysy týraly habardar etti. Atap aıtqanda, Qorǵanys mınıstrligi kommýnaldyq ótemaqyǵa ózgerister engizýdi, áskerı qyzmetshilerge tegin jol júrýdi jáne dalalyq tólemderdi qaıtarýdy usynyp otyr. Sondaı-aq 2016 jyldyń 1 qańtaryna deıin jumystan shyǵarylǵan áskerı qyzmetshilerge zeınetaqyny ındeksasııalaıtyn zań jobasy qarastyrylyp jatyr. Buǵan qosa mınıstr áskerı qyzmetshiler men ardagerlerge medısınalyq kómek pen sanatorlyq-kýrorttyq emdeýdi jaqsartý sharalary qabyldanyp jatqanyn habarlady.
2024 jyly 100-den asa áskerı zeınetker stasıonarlyq em aldy. Al 2 300-den asa ardager klınıkalyq-dıagnostıkalyq kómek aldy. 2025 jyly sanatorlyq-kýrorttyq emdelýge 488 joldama bólý josparlanyp otyr.