Almaty oblysynda «Taza Qazaqstan» jobasy aıasynda halyqaralyq qustar kúnine oraı ekologııalyq aksııa ótti. Oǵan stýdentter men mektep oqýshylary belsene atsalysyp, óńir ekojúıesin qorǵaýǵa óz úlesterin qosty. Sonyń biri Qonaev qalasynyń kópsalaly kolledjiniń bazasynda uıymdastyryldy.
Tabıǵı resýrstar jáne tabıǵatty paıdalanýdy retteý basqarmasyna qarasty orman sharýashylyqtarynyń qoldaýymen kolledj stýdentteri óz qoldarymen 1 000 qusqa uıa jasap, olardy bilim berý mekemeleriniń aýmaǵyna oqýshylarmen birge ornatty. Osylaısha, qustarǵa jańa ári qaýipsiz uıa salatyn oryndar jasaldy.
«Taza Like» aksııasy bir aı boıy jalǵasyp, Almaty oblysynyń 9 aýdanyn qamtıtyn bolady. Aksııanyń basty maqsaty – tabıǵatqa uqypty qaraýdy nasıhattaý, ekologııalyq mádenıetti damytý, qorshaǵan ortaǵa jaýapkershilikpen qaraýǵa tárbıeleý.
«Qorshaǵan ortany qorǵaý, qustarǵa janashyrlyq jasaý syndy ekologııalyq sana balalyq shaqtan qalyptasady, tabıǵatqa qamqorlyq – bolashaqqa jasalǵan ınvestısııa», deıdi aksııany uıymdastyrýshylar.
Almaty oblysy