22-23 naýryz kúnderi ARDA TEAM komandasy Riviera International School by Quantum jáne Copa.kz sport dúkeniniń qoldaýymen 2015-2016 jyly týǵan jasóspirimder arasynda Naýryz merekesine oraı fýtbol týrnırin uıymdastyrdy.
Týrnırge qala men oblystyń alty fýtbol mektebinen segiz komanda, 96 jas fýtbolshy jáne 8 jattyqtyrýshy qatysty.
Jarysta A tobynda Invictus Maneo, ARDA B, Senim A, ZhaStar komandalary synǵa tússe, V tobynda Jas-Tulǵa, Aibyn 2016, ARDA A, Senim B komandalary baq synasty.
Týrnırge qatysqan barlyq komandalar gramotalar men medaldarǵa ıe boldy, al jeńimpazdar kýboktar, medaldar, sertıfıkattar jáne demeýshilerden arnaıy syılyqtarmen marapattaldy.
- Bul shara balalar men jasóspirimder fýtbolyn damytyp, qoldaýdy, fýtbol klýbtary arasyndaǵy dostyq qarym-qatynasty nyǵaıtýdy, jas sportshylardyń sheberligin arttyryp, tájirıbe jınaqtaýyna múmkindik berýdi maqsat etedi. Sonymen qatar jetkinshekterdiń fýtbolǵa degen qyzyǵýshylyǵyn arttyryp, olardyń sheberligin shyńdaýǵa jáne dostyq qarym-qatynasty nyǵaıtýǵa úlken úles qosty, - deıdi jarysty uıymdastyrýshylar.