Ystanbuldaǵy halyq qarsylyǵyna baılanysty jergilikti sottar 55 adamdy qamaýǵa alý týraly úkim shyǵardy, dep habarlaıdy Egemen.kz.
Halk TV telearnasy taratqan aqparatqa súıensek, qamaýǵa alynǵandardyń arasynda AFP tilshisi Iаsın Akgıýl, Now News fototilshisi Álı Onýr Tosýn, Ystanbul ákimdiginiń fototilshisi Kýrtýlýsh Ary jáne ózge de jýrnalıster bar.
«Úılerdi tintý barysynda narazylyq sharalaryna qatysqan 206 adam ustaldy. Al prokýratýra olardyń qamalýyn talap etti. Tergeý aıaqtalǵan soń 55 adam álemdik qylmystyq sottar arqyly qamaýǵa alyndy», delingen aqparatta.
Eske sala keteıik, 23 naýryzda Ystanbuldyń qylmystyq soty qala ákimi Ekrem Imamoglýny qamaýǵa alǵan bolatyn. Oǵan jemqorlyq pen Túrkııada tyıym salynǵan Kúrdistan jumysshy partııasyna (KJP) qoldaý kórsetti degen aıyp taǵylǵan. Qala basshysy ustalǵan soń ortalyq kóshelerde qaýipsizdik sharalaryna qaramastan jappaı narazylyq sharalary bastaldy.