Qazaqstan quramasy kórkem gımnastıkadan Gresııada ótken Aphrodite Cup halyqaralyq týrnırinde sátti óner kórsetti. Otandastarymyz 9 altyn, 5 kúmis jáne 1 qola medal oljalady, dep habarlaıdy Egemen.kz ulttyq olımpıadalyq komıettiń baspasóz qyzmetine silteme jasap.
Eresekter arasyndaǵy jarysta Erıka Jaılaýova kópsaıysta, taspamen jattyǵýda birinshi oryn aldy. Al doppen jattyǵýda ekinshi nátıje kórsetti. Mılana Parfılova shyǵyrshyqpen jattyǵýda teńdessiz óner kórsetti. Aıym Meıirjanova taspamen jattyǵýda ekinshi, kópsaıysta úshinshi oryn aldy.
Toptyq jattyǵýlarda ulttyq qurama eki altyn jáne bir kúmis medalge qol jetkizdi.
Jasóspirimder arasynda Aqmaral Erekesheva úsh altyn (kópsaıys, doppen jáne taspamen jattyǵý) jáne eki kúmis (shyǵyrshyq jáne shoqpar taıaqshalarymen jattyǵý) medal ıelendi.
Rysbek Aıǵanym kópsaıysta altyn medal jeńip aldy.