Túrkııada oppozısııa ókili, Ystambul ákimi Ekrem Imamoǵly tutqyndalǵannan beri narazylyq sharalary aıaqtalar emes. Oǵan jemqorlyq jáne terrorızm baptary boıynsha aıyp taǵylǵan, dep habarlaıdy Egemen.kz.
Túrkııa prezıdenti R.Erdoǵan oppozısııanyń tolassyz qarsylyǵy sońǵy on jylda bolmaǵan ekonomıkalyq quldyraýǵa ákelip otyrǵanyn málimdedi.
Erdoǵannyń bul sózi Respýblıkalyq halyq partııasynyń (RHP) bılikti qoldaıtyn kompanııalarǵa baıkot jarııalaýǵa shaqyrǵannan keıin ile-shala aıtylǵan.
Túrkııa basshysy oppozısııanyń memleket pen halyqty otqa ıterýden taıynbaı turǵanyn málimdedi.
Bıleýshi Ádilet jáne damý partııasynyń depýtattaryna joldaýynda Erdoǵan «túrik ekonomıkasyna baǵyttalǵan búlikti uıymdastyrshylar sot aldynda jaýap beredi», dedi.