Ulttyq quryltaı keıingi jyldary mańyzdy alańǵa aınaldy. Memleket basshysy Qasym-Jomart Toqaev aıtyp ótkendeı, aýqymdy reformalar men naqty ózgeristerdiń bári halyqtyń tilegi men zamannyń talabyna saı jasalyp jatyr. «Bul jerdegi túpki maqsat – barlyǵyn ózgertý emes. Eń bastysy – atqarylyp jatqan sharýany ońtaılandyryp, onyń tıimdiligin arttyrý», deıdi Memleket basshysy.
Ulttyq quryltaı jaı ǵana talqylaý emes, problemalardyń sheshimin naqtylaıtyn tetik, al bılik solardy zańnamalyq resimdeý men iske asyrýǵa múmkindik beredi. Sondyqtan da quryltaı nátıje beretin format ekenin senimmen aıta alamyn.
Quryltaıdyń úshinshi otyrysynyń qorytyndysy boıynsha 10 zań jobasyna bastamashylyq jasalyp, onyń 9-yna Prezıdent qol qoıdy. Quryltaıda kóterilgen taqyryptardyń basym bóligi áleýmettik saıasatqa, mádenıetke jáne qoǵamdyq qundylyqtarǵa tikeleı qatysty bolǵandyqtan, salalyq komıtet tóraǵasy retinde osy jumystarǵa tikeleı qatystym. Negizgi ózgerister arasynda oıyn bıznesin jarnamalaýǵa tyıym salý, tarıhı eskertkishter men tabıǵı nysandardy qorǵaý, marapat júıesin keńeıtý, áıelder men balalardy zorlyq-zombylyqtan qorǵaý, batyrlar esimin ulyqtaý, esirtki qylmysyna jazany kúsheıtý, onomastıka erejelerin jańartý, óńirlik rámizderdi retteý bastamalary bar. Sonymen qatar arheologııa salasyn reformalaý jumystary josparlanyp otyr. Onda lısenzııalaýdyń jańa standarttary engiziledi, zańsyz qazba jumystary úshin jazalaý sharalary kúsheıtiledi.
Ulttyq quryltaı bul oqshaýlanǵan bastama emes, Prezıdenttiń keń aýqymdy reformalyq saıasatynyń bir bóligi ekenin atap ótý mańyzdy. «Halyq únine qulaq asatyn memleket» baǵyty men qoǵamdyq ún qatýdy kúsheıtý aıasynda quryltaı azamattardyń usynystary naqty zańdar men reformalarǵa aınalatyn quralǵa aınaldy.
Ashat AIMAǴAMBETOV,
Májilis depýtaty