Búgin, 28 naýryzda, elimizdiń birqatar óńirinde qubylmaly aýa raıy saqtalady. Sınoptıkterdiń habarlaýynsha, ońtústikte, ońtústik-shyǵysta túnde jańbyr jaýyp, keı jerlerde qar aralas jańbyr kútiledi. Kúndiz jańbyr jaýyp, qatty jel soǵady, dep habarlaıdy Egemen.kz.
Respýblıkamyzdyń shyǵysynda, ońtústik shyǵysynda, ortalyǵynda jel kúsheıip, shyǵysta shańdy daýyl turady, batysta, ońtústikte, ońtústik shyǵysta tuman túsedi.
Jetisý oblysynyń Alakól óńirinde soltústik-shyǵystan soqqan daýyldy jel 30 m/s jyldamdyqpen uıtqyp, keı sátterde odan da qatty údeı túsýi múmkin. Al ońtústik pen batysta tuman túsip, kórý múmkindigin shektemek.
Astanada kún ala bultty, kúndiz aýa temperatýrasy +7,+9°C, jeldiń jyldamdyǵy 7-12 m/s.
Almatyda kún ala bultty, jańbyr jaýady. Kúndiz aýa temperatýrasy +6+8°C, jeldiń jyldamdyǵy 3-8, keı ýaqytta ekpini 15 m/s-ge jetedi.
Shymkentte kúndiz aýa temperatýrasy +10+12°C, jeldiń jyldamdyǵy 5-10 m/s.