AQSh-taǵy Denver áýejaıynyń aldynda turǵan alyp músindi jurt «Blıýsıfer» dep atap ketken. Sebebi kózinen jalyn shashyraǵan jylqy beınesin kórgen boıda-aq keýdege qorqynysh uıalaıdy.
Osy músindi jasaǵan amerıkalyq sheber Lýıs Hımenes úshin bul týyndy ómirindegi sońǵy jumys boldy. 2006 jyly ol attyń basyn boıap jatqan kezde, tórt tonnalyq aýyr bólshek úzilip túsip, músinshiniń aıaǵyndaǵy kúretamyrdy qıyp ketken. Hımenes sol jerde qaıtys boldy. Soǵan qaramastan, sheberdiń týystary men áriptesteri jumysty aıaqtap, músindi ornyna qoıdy. Sodan beri bul músinge qarap, jurt ekiudaı sezimde qalady.