Dárigerlerdiń ozyq tájirıbesi

«Biz aorta, mıtraldy qaq­paq­sha­lardy bıologııalyq pro­tez­­dermen almastyrý operasııa­syn jasadyq. Bul – júrek qaq­paq­shalarynyń aqaýlaryn emdeýdiń zamanaýı ári tıimdi ádisteriniń biri. Operasııadan keıin emdelýshi ózin jaqsy sezinedi, ońaltý keze­ńinen ótip jatyr», dedi JMJA kardıohırýrgııalyq qyzmetiniń jetekshisi Dos Amanov.

Mamandardyń aıtýynsha, bıo­logııalyq, mehanıkalyq pro­tez­derdi tańdaý naýqastyń jasy­na, ómir saltyna, antıkoa­gýlıant­tarǵa qarsy kórsetilimderdiń bolýyna baılanysty júrgiziledi. Durys kútim men dárigerlerdiń usy­nymdaryn saqtaý arqyly bıo­lo­gııalyq qaqpaqsha ornatylǵan naý­qas­­tar tolyqqandy ómir súre alady.

«Buǵan deıin naýqas entigý, qan qysymynyń joǵarylaýy, jalpy álsizdik sııaqty belgilerden zardap shekken. Tekserý barysynda júrek qaqpaqshalarynda aıtarlyqtaı ózgerister bary anyqtaldy. Eger naýqas der kezinde kelip emdelmese, mundaı naýqastardyń ómir súrý uzaqtyǵy bes jyldan aspaıdy», deıdi dárigerler.

Qazir elimizde júrek-qan tamyrlary aýrýlarynyń saldarynan jyl saıyn myńdaǵan adam kóz jumady. Statıstıkaǵa súıensek, júrek qaqpaqshalarynyń aqaýy ár 100 000 adamnyń 7-inde kezdesedi. Máselen, 2024 jyly Semeı qala­synyń Jedel medısınalyq jár­­dem aýrýhanasynda 100 kar­dıo­hırýrgııalyq operasııa ja­sal­­ǵan, onyń onynda júrek qaq­paq­shalary aýystyrylǵan. Mun­daı joǵary tehnologııalyq ope­ra­sııalardyń quny 3 mıllıon teń­ge­den asady. Mindetti áleýmettik medısınalyq saqtandyrý júıe­sinde saqtandyrylǵan azamattarǵa operasııa tegin jasalady.

Júrek – adam ómiriniń basty qozǵaýshy kúshi. Sondyqtan onyń saý­lyǵy ýaqtyly tek­se­rilip, qa­­jetti em-sharalar júr­gi­zilip oty­rýǵa tıis. Semeılik dári­ger­ler­diń tá­­­ji­rıbesi júrek aýrýlarymen kú­­res­te medısınanyń jańa deń­geı­ge kóte­rilgenin kórsetip otyr.

Abaı oblysy