Eldiń áskerı ákimshiliginiń málimetinshe, 300 adam habar-osharsyz ketken, al jaraqat alǵandar sany 3000-nan asqan, dep habarlaıdy Egemen.kz.
Esterińizge sala keteıik, 28 naýryzda Mıanmada 7,7 jáne 6,4 baldyq jer silkinisi bolǵan edi. Jer asty dúmpýleri kórshi Qytaı men Taılandta da sezildi. Saldarynan Taıland astanasy Bangkokta salynyp jatqan záýlim ǵımarat qulap, 17 adam kóz jumǵan.
Jergilikti bılik 32 adamnyń jaralanǵanyn, 83 adamnyń habar-osharsyz ketkenin málimdedi.
Qazirgi tańda izdestirý-qutqarý jumystary áli de jalǵasyp jatyr. Úıindiler astynda qalǵan adamdardy qutqarý úshin arnaıy jasaqtar men eriktiler jumyldyrylǵan.
Tabıǵı apat saldarynan kóptegen ǵımarat qırap, ınfraqurylymǵa aıtarlyqtaı zaqym kelgen. Bılik pen halyqaralyq uıymdar gýmanıtarlyq kómek kórsetý sharalaryn uıymdastyryp jatyr.