О́ńirlerde muz qabatyn álsiretýge, ózenderdiń jaǵalaýyn nyǵaıtýǵa, qardy shyǵarýǵa, sý sorýǵa baǵyttalǵan keshendi jumystar júrgizilip jatyr. Qutqarýshylar táýlik boıy jaǵdaıǵa monıtorıng júrgizedi, sý deńgeıin baqylaıdy jáne yqtımal qaýipterge jedel áreket etedi, dep jazady Egemen.kz.
Soltústik Qazaqstan oblysynda Qyzyljar aýdanynyń Beskól jáne jaǵalaý eki eldi mekeninde TJM 52859 jáne 28237 áskerı bólimderiniń kúshimen polıpropılen shatyrlaryn tóseý, sondaı-aq qapshyqtardy daıyndaý jáne tóseý jumystary júrgizildi.
Atyraý oblysyǵy Qulsary qalasynda TJM 20982 áskerı bóliminiń kúshterimen 700 m uzyndyqta bógendi nyǵaıtý boıynsha jumystar júrgizildi, ınertti materıaldar men shıfer tóseldi. «Atyraý-Qulsary-Mııaly-Atyraý» baǵyty boıynsha Kem ózeninde áýe-barlaý jumystary júrgizildi. Jylyoı jáne Qyzylqoǵa aýdandarynda Jem, Oıyl, Noǵaıty ózenderiniń boıynda qap tóseý, bógenderdi ınertti materıaldarmen nyǵaıtý jumystary júrgizilip jatyr.
Shyǵys Qazaqstan oblysynyń Altaı aýdany Zýbovsk kentinde TJM 68303 áskerı bóliminiń kúshimen qardan tazartý jumystary júrgizilip, 15 sý ótkizý qurylysy, 1 kópir, 52 metr aryq júıesi tazartyldy.
Aqmola oblysyndaǵy Esil ózeninde Derjavınsk qalasynyń avtomobıl kópiriniń janynda muz keptelisterin joıý maqsatynda jarylys jumystary júrgizildi. Selınograd aýdanynyń Qoıandy aýylyn qorǵaý úshin Jambyl qutqarýshylary jumyldyrylyp, 25 myń tekshe metr sý sorylyp, 150 qap daıyndap, tóseldi. Uzyndyǵy 50 metr bolatyn jer úıindisi ınertti materıaldarmen bekitildi.
Batys Qazaqstan oblysynda kóktemgi sý tasqynynyń aldyn alý aıasynda qar shyǵarý, sý aıdaý, kanaldardy, jyralardy tazartý-burǵylaý, muz kesý, jarylys, qaptardy toltyrý-tóseý jumystary júrgizildi.
Aqtóbe oblysynyń Yrǵyz aýdanyna TJM 20982 jáne 28237 áskerı bólimderiniń qosymsha kúshteri men arnaıy tehnıkasy jiberildi. Áskerı qyzmetshiler ózen arnalary men sý ótkizý qurylystaryn bekitý boıynsha jumystar júrgizip jatyr. Temir aýdanynyń Shubarqudyq aýylynyń deposynan tys aýdanda erigen qar sýyn tıimdi burý úshin kanaldyń qurylysy tolyǵymen aıaqtaldy.
Abaı oblysy TJD qyzmetkerleri Úrjar aýdanynyń Úrjar aýylynda jáne basqa da eldi mekenderindegi turǵyn úılerdiń sý basýynyń aldyn alý sharalary aıasynda sý burý júıelerin nyǵaıtý-tazartý boıynsha aýqymdy jumystar júrgizildi.
Qostanaı oblysynda qutqarýshylar Qarasý aýdanynyń Qaramyrza aýylynda olar aýla aýmaqtaryn qardan tazartyp, sý burý qubyryn tósep, jergilikti turǵyndarǵa kómek kórsetti. TJD qyzmetkerleri men TJM 52859 áskerı bólimi ekinshi qutqarý batalonynyń áskerı qyzmetshileri Amangeldi aýylyndaǵy motopompalar men órt-sorǵy stansııasyn paıdalana otyryp, erigen sýdy sorý jumystaryn júrgizip jatyr.
TJM málimetinshe sý tasqynyna qarsy jumystarǵa 2 myń maman, sondaı-aq sý tasqyny qaýpi jaǵdaıynda qaýipsizdikti qamtamasyz etý jónindegi jumystardy oryndaý úshin paıdalanylatyn 483 birlik tehnıka, 168 motopompa, 19 júzý quraly qatysady. Jumystarǵa TJM, IIM, UU, Qorǵanysmıni jáne basqa da vedomstvolardyń qyzmetkerleri jumyldyrylǵan.
Bıyl 1 naýryzdan bastap TJM, jergilikti atqarýshy organdar, uıymdar kúshterimen 2,2 mıllıon tekshe metrden astam sý sorylyp, 486 myńnan astam qapshyq jáne 42 myń tonna ınertti materıal tóselip, 822 myńnan astam metr sý burý aryqtary tazartylǵan.