Qaraǵandy qalasynda jeńil avtokólik júrgizýshisi jaıaý júrginshiler jolaǵyna shyǵyp, eki adamdy qaǵyp ketken. Saldarynan bir áıel oqıǵa ornynda qaza tapty, dep habarlaıdy Egemen.kz.
Oqıǵa 31 naýryz kúni saǵat 23:00 shamasynda Býhar-Jyraý dańǵylynda bolǵan. Audi kóliginiń júrgizýshisi Dıýsenbekov kóshesine qaraı qozǵalyp, jyldamdyqty asyryp, jaıaý júrginshiler jolaǵyna shyǵyp ketken.
«Jol apatynyń saldarynan bir áıel qaza taýyp, ekinshi jaıaý júrginshi, sondaı-aq kólik júrgizýshisi men jolaýshy túrli jaraqattarmen oblystyq klınıkalyq aýrýhanaǵa jetkizildi», dep habarlady oblystyq polısııa departamentiniń tergeý basqarmasynyń bastyǵy Azamat Ahmetov.
Oqıǵa boıynsha qylmystyq is qozǵalyp, tergeý amaldary júrgizilip jatyr.