Qostanaı oblysynda Astanany Arqalyq, Torǵaı jáne Yrǵyz arqyly ótetin Transkaspıı halyqaralyq kólik baǵytymen baılanystyratyn avtojolyn salý, sondaı-aq Arqalyq áýejaıyn qalpyna keltirý josparlanǵan, dep habarlaıdy Egemen.kz.
Kólik mınıstri Marat Qarabaev Qostanaı oblysynda «Ortalyq – Batys» avtojolyn salý jobasy boıynsha daıyndyq barysyn tekserdi. Búgingi tańda jobalyq qujattama ázirleý jumystary bastaldy.
«Ortalyq – Batys» jańa baǵyty Aqmola, Qostanaı jáne Aqtóbe oblystarynyń shalǵaı aýdandaryndaǵy jol máselesin sheshedi. Qostanaı oblysynyń Arqalyq qalasy, Amangeldi jáne Jangeldın aýdandary, Aqmola oblysynyń Egindikól jáne Jarqaıyń aýdandary, sondaı-aq Aqtóbe oblysynyń Yrǵyz aýdany men Astana arasyndaǵy jol qatynasy jaqsarady. Bul jergilikti turǵyndardyń turmys sapasyna aıtarlyqtaı áser etedi», delingen habarlamada.
Jalpy, avtojol jobasyn iske asyrý áleýmettik-ekonomıkalyq damýǵa oń áserin tıgizedi. Qashyqtyq pen jol júrý ýaqyty qysqarady.
«Qazirgi ýaqytta Astanadan batys aımaqtarǵa deıingi aralyq «Astana – Atbasar – Esil – Qostanaı – Qarabutaq – Yrǵyz» baǵyty 1 438 shaqyrymdy quraıdy. Janteke, Egindikól, Arqalyq jáne Torǵaı arqyly ótetin jańa baǵyt joldy 865 shaqyrymǵa deıin, al qoldanystaǵy baǵytty 560-tan astam shaqyrymǵa qysqartady. Kólik jelisi 70 myń turǵyny bar 13 eldi mekendi qamtıdy. Jol eni 8 metr bolatyn 2 jolaqtan turady. Qozǵalys qarqyndylyǵy táýligine 3 myń avtokólikti quraıdy», delingen habarlamada.
Aıta keteıik, avtojol Qazaqstannyń ortalyq óńirlerinen Transkaspıı halyqaralyq kólik baǵytyna shyǵýdy qamtamasyz etedi, Qazaqstannyń pozısııasyn nyǵaıtady ári halyqaralyq tasymaldaýdaǵy básekege qabilettilikti kúsheıtedi.
Taǵy bir mańyzdy joba – qazirgi ýaqytta jobalaý-smetalyq qujattamasyn ázirleý jumystary aıaqtalyp jatqan Arqalyq áýejaıyn qalpyna keltirý. «Atalǵan jumys sheńberinde jalpy aýdany 3 200 m2 bolatyn, saǵatyna 70 jolaýshyǵa qyzmet kórsetýge qabiletti eki qabatty jańa áýejaı keshenin salý kózdelip otyr. Uzyndyǵy 2,5 myń metr ushý-qoný jolaǵy, taksı joly men perron jóndeledi. Sondaı-aq aeronavıgasııalyq jáne meteorologııalyq jabdyqtardy satyp alýǵa qarajat kózdelgen. Qostanaı, Astana jáne Almatyǵa qoljetimdi baǵamen sýbsıdııalanatyn reısterdi iske qosý josparlanýda. Áýejaıdyń qurylysy ańshylyq týrızmdi damytýǵa yqpal etedi dep kútiledi», dep habarlady Úkimettiń baspasóz qyzmeti.