Keıingi jyldary kenshiler qalasy ınnovasııa jáne ınjenerııa ortalyǵyna aınaldy. Jaqynda ótken halyqaralyq robottehnıka festıvali sonyń jarqyn dáleli. Bolgarııa, Iran, Reseı, Ázerbaıjan, О́zbekstan, Qyrǵyzstan elderi men ózimizdiń IT órender oı jarystyrdy.
«Daryn First Championship» respýblıkalyq robottehnıkasy festıvalinde top jaryp, Ortalyq Azııa chempıonatynda óńirimizdiń namysyn qorǵaǵan Qaraǵandydaǵy «Murager» mamandandyrylǵan mektep oqýshylary úzdik jobalaryn tanystyrdy.
Festıvalǵa qatysýshy órenderdi oblys ákiminiń orynbasary Álibek Áldeneı quttyqtap, sáttilik tiledi.
– Robolend festıvali nebári 10 jyldyń ishinde 30 komanda, 70 adam qatysqan kishigirim saıystan búgingi tańda halyqaralyq deńgeıge jetti. Festıvaldyń shyǵarmashylyq ıdeıalar jaryqqa shyǵatyn úlken alańǵa aınalǵany – Qaraǵandy óńiri úshin úlken mártebe. Sizderdiń aralaryńyzda elimizdiń sıfrlyq áleýetin arttyratyn bilikti jastar bar ekenine senimdimin. Búgingi saıystar jańa bilim alyp, erekshe pikir almasýlarǵa jeteleıtin jaqsy orta qurýǵa zor múmkindik beredi, – dedi Álibek Áldeneı.
Buǵan deıingi ótken toǵyz festıvalǵa Italııa, Serbııa, Grekııa, Polsha, Grýzııa, Ázerbaıjan, Qyrǵyzstan, О́zbekstan jáne elimizden jeti myńǵa jýyq komanda qatysypty. Jalpy, 12 myńnan asa qatysýshy ózderiniń úzdik jobalaryn qorǵaǵan.
Munymen qosa festıval jylda úsh myńnan astam kórermen jınap, jarys onlaın translıasııa arqyly da taratylǵan. Osylaısha, on jyl ishinde festıval óz aýqymyn keńeıtip, halyqaralyq deńgeıdegi tájirıbe almasý alańyna aınalyp úlgerdi.
Jarystyń deńgeıi artqan saıyn qatysýshylar sany da kóbeıip keledi. Bıylǵy festıvalǵa 362 komandadan turatyn 750 qatysýshy baq synady. Chempıonatta «Kegelrıng», «Labırınt», «Kvadrokopterlerdi manevrleý», «Shyǵarmashylyq sanat» sekildi belgili baǵyttar bar.
– «RoboLand» – elimizdegi bilim robottehnıkasy boıynsha eń alǵashqy iri joba ári tehnıkalyq shyǵarmashylyq pen jańa tehnologııalardyń aýqymdy forýmyna aınaldy. Bul chempıonat – jas ınjenerler men konstrýktorlar úshin tájirıbe almasý alańy ǵana emes, sonymen qatar bilim berý robottehnıkasynyń ózekti máselelerin talqylaýǵa arnalǵan ashyq dıalogti platforma, – deıdi festıvaldyń bas tóreshisi Esbol Árinov.
Bolgarııanyń Varna qalasynan kelgen Sergeı Smyntynanyń shákirtteri 9-13 jas aralyǵyndaǵy balalar labırıntteri baıqaýyna qatysty.
– Qazaqstanda osyndaı aýqymdy chempıonattar ótip jatqanyn bilmedik. Festıval joǵary deńgeıde ótti. Mundaı halyqaralyq kezdesýdi óz kózimizben kórýge, tájirıbe jınaýǵa, ózimizdi kórsetýge keldik. О́ıtkeni bizde qalyptasqan robottehnıka jáne baǵdarlamalaý mektebi bar, – dedi Sergeı Smyntyna.
Al Iran ulttyq komandasynyń jetekshisi Nader Nobaht: «Robottehnıkany oqytýdyń jańa joldaryn paıdalanýdyń mańyzdylyǵy» taqyrybynda baıandama jasadym. Jalpy, Iranda robottehnıka jaqsy jolǵa qoıylǵan. Bul bizdiń eldegi Tegeran ýnıversıtetimen tyǵyz baılanysty. Mektepterimizde robottehnıka pán retinde oqylatyndyqtan úzdik oqýshylarymyz Malaızııa, Qytaı elderinde ótetin jarystarǵa jıi qatysady. Bıylǵy Qaraǵandy festıvaline «Shyǵarmashylyq sanat» boıynsha qaýipsizdik jobasyn usynatyn 9 qatysýshy keldi. Ártúrli robot túrlerin paıdalanyp, órttiń aldyn alýǵa baǵyttalǵan jobalar usyndyq», deıdi.
Sonymen eki kún boıy ótken robottehnıka chempıonatynda Qaraǵandy oblysy taǵy da joǵary nátıje kórsetti. О́ńir komandalary jalpykomandalyq esepte birinshi oryndy ıelense, Qostanaı oblysynyń ókilderi ekinshi oryn, О́zbekstannan kelgen qatysýshylar úshinshi oryn aldy.
Festıval aıasynda dástúrli «Qaraǵandylyq kezdesýler» ótti. Bıylǵy pikirtalas «Bilim berýdi sıfrlyq transformasııalaý: trendter men perspektıvalar» taqyryby aıasynda órbidi. Onda jetekshi sarapshylar oqý júıesine sıfrlyq tehnologııalardy engizýdi talqylap, STEM-bilim berýdi damytý boıynsha tájirıbe almasty.
Jas ónertapqyshtar chempıonattan soń S.Sápıev atyndaǵy boks ortalyǵynda ótken «RoboLand Party» oıyn-saýyq baǵdarlamasyn yqylaspen tamashalady.
Festıvaldy «Kazdidac» qaýymdastyǵy uıymdastyrdy. Bas demeýshi – «Bazıstik dúken» JShS, resmı demeýshiler – DIGIS AV pen Regıon 715 kompanııalary.
Qaraǵandy oblysy