Búgin Astanada el tarıhynda alǵash ret IBF jáne WBO tujyrymy boıynsha orta salmaqtaǵy álem chempıony Jánibek Álimhanuly (16-0, 11 KO) óz belbeýin Fransııadan kelgen úmitker Anaýel Ngamıssıngege (14-0, 9 KO) qarsy qorǵaıdy. Tarıhı keshte Jánibekten bólek , 7 otandasymyz sharshy alańǵa shyǵady, dep jazady Egemen.kz.
Aýqymdy boks keshinde shymkenttik Tórehan Sabyrhan alǵash ret kásipqoı boksta baq synady.
Jartylaı orta salmaqtaǵy jekpe-jekte otandasymyzdyń qarsylasy chehııalyq Iırjı Haýke (4-6, 2 KO) boldy.
Tórehan kezdesýdiń alǵashqy mınýttarynan- aq belsendi soqqy jasaýǵa kiristi.
Kezdesýdiń 3-raýndynda otandasymyz qarsylasyn 2 ret nokdaýnǵa jiberip, sońǵysynda chehııalyq ornynan tura almaı, jeńis Tórehan Sabyrhannyń enshisine jazyldy.
Jekpe-jekten keıin T. Sabyrhan óziniń jasy nebári 19-da ekenin eske salyp, qazaq boksynyń tarıhynda talaı aıtýly jeńisterdi tirkeıtinin tilge tıek etti.
Sondaı-aq, qoldaý bildirgen jurtshylyqqa alǵys bildirdi.
Aıta keteıik, búgin Barys arena sharshy alańyna Tórehan Sabyrhannyń aǵasy, Parıj Olımpıadasynyń qatysýshysy Mahmud Sabyrhan da shyǵady. Bul báseke Mahmudtyń da kásibı bokstaǵy debıýti bolmaq.