Búgin Túrksib aýdandyq sotynda 67 jastaǵy Mashrapbek Baratovqa qatysty sot prosesi bastaldy. Ol 2024 jyldyń 7 naýryzynda Almaty áýejaıynda qyzmetkerdi kepilge alyp, pyshaqpen qorqytyp, sómkesinde bomba baryn aıtqan edi, dep habarlaıdy Egemen.kz.
Tergeý derekterine sáıkes, Baratov áýejaıda kópshiliktiń qaýipsizdigine qater tóndirip, qyzmetkerdi kúshtep ustaǵan. Sonymen qatar, onyń áreketi terrorızm aktisi týraly jalǵan habar taratý retinde baǵalanǵan.
Sot otyrysynda kúdikti ózine taǵylǵan aıyptardy tolyq moıyndaǵan. Aıta keteıik, atalǵan oqıǵaǵa baılanysty úsh bap boıynsha qylmystyq is qozǵalǵan.
Sot prosesi jalǵasyp jatyr.