«Oral qalasynyń jumyspen qamtý jáne áleýmettik baǵdarlamalar bóliminiń ómirlik qıyn jaǵdaıǵa qalǵan adamdardy qaıta áleýmettendirýge arnalǵan ortalyǵy» KMM-niń dırektoryna qatysty sotqa deıingi tergeý aıaqtaldy dep habarlaıdy Egemen.kz.
Bul jóninde Sybaılas jemqorlyqqa qarsy is-qımyl agenttigi habarlady. Agenttiktiń Batys Qazaqstan oblysyndaǵy qyzmeti jaqynda «Oral qalasynyń jumyspen qamtý jáne áleýmettik baǵdarlamalar bóliminiń ómirlik qıyn jaǵdaıǵa qalǵan adamdardy qaıta áleýmettendirýge arnalǵan ortalyǵy» KMM-niń dırektoryna qatysty sotqa deıingi tergeýdi aıaqtaǵan.
Ol elektr jabdyqtaryn kezekti jóndeý jumysy boıynsha jalǵan aktilerge qol qoıyp, eńbek qyzmetin is júzinde oryndamaǵan adamdarǵa jalaqy esepteý arqyly 2024 jylǵy aqpan men jeltoqsan aralyǵynda jalpy somasy 11,5 mln teńge bıýdjet qarajatyn jymqyrdy dep aıyptalyp otyr.
Qazir aıyptalýshy sotqa tartylǵan.