Fýtboldan ÝEFA Ulttar lıgasynyń tórtinshi týrynda sportshy qyzdar Armenııamen sheberlik baıqasty, dep habarlaıdy Egemen.kz.
«Astana Arenada» ótken match 3:2 esebimen bizdiń qyzdardyń paıdasyna sheshildi. Bul oıynda Ámına Baıbosynova (48, 55 mınýtta) dýbl avtory atansa, taǵy bir goldy Áıgerim Aıtymova (71 mınýtta) soqty. Qonaqtardyń sapynda Narıne Davtıan (63, 66 mınýtta) eki márte mergendik tanytty.
Esterińizge sala keteıik, osyǵan deıin jerlesterimiz Lıhtenshteındi (4:0) utyp, Armenııadan (0:2) utyldy. Al Lıýksembýrgke (2:2) qarsy kezdesý teń aıaqtaldy.