Stýdent jastarǵa qolaıly jaǵdaı jasaý maqsatynda jeke ınvestısııalar esebinen 120 stýdentke arnalǵan zamanaýı jataqhana boı kóterdi, dep habarlaıdy Egemen.kz.
Jataqhana aýmaǵynda stýdentterdiń jaıly ómir súrýi úshin barlyq jaǵdaı qarastyrylǵan. Jaryq ári keń bólmeler, as úı, oqý jáne demalys oryndary, wi-fi jelisimen jabdyqtalǵan konferensııa zaly bul bilim alýshylarǵa túrli is-sharalar uıymdastyrýǵa jáne onlaın bilim alýyna múmkindik beredi.
Jastar saıasaty basqarmasynyń málimetinshe, qalada 127 stýdenttik jataqhana bar. Onda 40,3 myńnan astam stýdent turyp jatyr. Byltyr 4304 tósek-orynǵa arnalǵan 16 jańa nysan paıdalanýǵa berilgen. Bıylǵy jyldyń sońyna deıin taǵy 6000 tósek-oryn qosylady dep josparlanýda. Al jańa jataqhanada Qazaq Ulttyq qyzdar pedagogıgalyq ýnıversıtetiniń stýdentteri turatyn bolady.
Qazirgi kezde qalada stýdentterdi jataqhanamen qamtý maqsatynda jobalyq keńse jumys istep jatyr. Keńse jataqhana qurylysyn tıimdi úılestirýmen qatar, memlekettik baǵdarlamalardy júzege asyrýǵa jáne jastarǵa arnalǵan turǵyn úı ınfraqurylymyn damytýǵa úles qosyp keledi.