«Taza Qazaqstan» aksııasy aıasynda Shalqar aýdanynyń ortalyǵynda ótken senbilikke toǵyz mektep, kópsalaly kolledj, aýdandyq aýrýhana jastarynan qurylǵan eriktiler tobynyń 150 múshesi qatysyp, Shalqar kóliniń jaǵalaýyn túgel tazalap shyqty. Tazalyq sharasy jastar arasyndaǵy saıys túrinde ótkizildi, dep habarlaıdy Egemen.kz.
«Kóldiń jaǵasyna jınalǵan jastar birneshe topqa bólingen soń biz ár qatysýshynyń qolyna bir-bir qapshyqtan úlestirdik. Qaı top ózderine berilgen qapshyqtardy birinshi bolyp toltyrsa, jeńimpaz dep tanylatyn boldy. Munyń taǵy bir ereksheligi, qoqysty kóp ári tez jınaǵandarǵa syılyq taǵaıyndaldy. Bir jaǵy jarys, ekinshi jaǵynan tazalyq aksııasy retinde ótkizilgen senbilikte 1-oryndy Á.Jangeldın atyndaǵy orta mektep janynan qurylǵan «Jańa tolqyn» volonterlik toby ıelenip, olarǵa túrli-tústi prınter tabys etildi. II-oryn alǵan aýdandyq aýrýhana janynan qurylǵan «Saýlyq» tobynyń jastaryna qysqa tolqyndy pesh tabystalsa, III orynǵa Shalqar kópsalaly kolledjiniń «Qamqor» volonterlik toby laıyq dep tanylyp, mýzykalyq dybys zoraıtqyshty utty. Senbilikke belsendi qatysqan jastarǵa aýdan ákimi Janbolat Jıdehanovtyń alǵys haty tabystaldy», deıdi Shalqar aýdandyq jastar resýrstyq ortalyǵynyń basshysy Aıbek Embergenov.
Kelesi aptada aýdan ortalyqtary men eldi mekenderde tal otyrǵyzý, saıabaqtardy abattandyrý jumystary jalǵasady.
Aqtóbe oblysy.