Mańǵystaý oblysy Jańaózen aýdanynyń soty Qazaq gaz óńdeý zaýytynyń burynǵy dırektory B.A. Baıshýaqovqa qatysty úkim shyǵardy, dep habarlaıdy Egemen.kz.
Agenttiktiń aqparatynsha, Baıshýaqov kásiporynnyń senip tapsyrylǵan múlkin aýksıon ótkizbesten zańsyz satý jáne túsken qarajatty ıemdený arqyly iri mólsherde jymqyrǵany úshin kináli dep tanyldy.
«Ol 4 jylǵa bas bostandyǵynan jáne ómir boıy memlekettik qyzmette jáne kvazımemlekettik sektor sýbektilerinde qyzmet atqarý quqyǵynan aıyryldy», delingen habarlamada.