Buqtyrmanyń arnasy aldaǵy ýaqytta qýat kózine aınalýy ábden múmkin. Shyǵys Qazaqstanda 2030 jylǵa deıin alty birdeı shaǵyn gıdroelektrostansııa salý josparda tur. Bul týraly ShQO Energetıka jáne turǵyn úı-kommýnaldyq sharýashylyq basqarmasynyń basshysy Nurlan Ramazanov О́ńirlik kommýnıkasııalar qyzmetinde ótken brıfıngte málim etti, dep habarlaıdy Egemen.kz.
– Marqakól, Katonqaraǵaı, Zaısan jáne Altaı aýdandarynda qýaty 93,3 megavatt bolatyn alty GES boı kóteredi. Nysandardy iske qosý 2027 men 2030 jyldar aralyǵynda josparlanǵan, – dedi basqarma basshysy.
Gıdroelektrostansııalar qaıda ornalasady degen saýalǵa da jiliktep jaýap bergen: Katonqaraǵaı aýdanynda qýaty 1,4 MVt bolatyn GES-ti «Evropa Solar» kompanııasy 2027 jyly paıdalanýǵa beredi. Altaı aýdanynda Buqtyrma ózeninde qýaty 50 MVt-tyq stansany «Turǵusyn-2» JShS 2029 jyly iske qosýdy josparlap otyr. Zaısan aýdanynda Úıdene men Jemeneı ózenderinde qýaty 4,5 jáne 2,4 MVt bolatyn eki GES-ti «FTR-GREEN-LTD» JShS 2030 jyly qosady. Al Marqakól aýdanyndaǵy Qaljyr ózeninde jalpy qýaty 35 MVt bolatyn eki GES-ti «KALZHYR RIVER ENERGY» jáne «Qaljyrgıdro» JShS 2030 jyly iske qospaq.
Aıta keteıik, bul jobalar Qazaqstan Respýblıkasy Energetıka mınıstrligi uıymdastyrǵan aýksıondyq saýda arqyly iriktelgen.
Sala mamandarynyń sózinshe, jańa gıdroelektrostansııalar óńirdegi energetıkalyq ınfraqurylymdy jańartyp, elektr qýatynyń sapasy men qoljetimdiligin arttyrady.