Qazaqstan ulttyq quramasy sapynda óner kórsetip, búkil álemge áıgili bolyp júrgen «Shardara Armsport» klýbynyń sportshylary Azııa qurlyǵyndaǵy myqty komandalardyń biri О́zbekstan eliniń qol kúres quramasyna qarsy jekpe-jekte el namysyn qorǵady, dep habarlaıdy Egemen.kz.
Qol kúresinen aýqymdy is-shara Shardara aýdanynyń qurylǵanyna 60 jyl tolýyna oraı uıymdastyryldy. Sharanyń saltanatty ashylýynda «Shardara Armsport» klýbynyń negizin qalaýshy, Shardara aýdanynyń ákimi Arman Qarsybaev sóz sóılep, jınalǵan kópshilikti aýdannyń mereıtoıymen quttyqtady. Sondaı-aq qol kúresi arqyly qazaq elin, onyń ishinde aýdandy dúnıejúzi tanyǵanyn atap ótti.
«Onyń bir dáleli shaǵyn ǵana aýdanymyzdan 120-dan astam Álem chempıony shyqty. Sonymen qatar, búgin bir ǵana Shardara aýdanynyń qol kúresshileri О́zbekstan Respýblıkasynyń quramasyna qarsy jekpe-jek ótkizip otyr», dedi Arman Romanuly.
Ashylý saltanatynan soń 9 salmaq dárejesinde 9 jup kúsh synasty. Tartysty ótken básekede «Shardara Armsport» klýby taǵy da ózderiniń myqtylyqtaryn dáleldep, О́zbekstan quramasyn 9:0 esebimen tize búktirdi. Jeńimpazdarǵa arnaıy marapattar tabys etildi.