Premer-mınıstr Oljas Bektenov CITIC Construction Co., Ltd. tóraǵasy Iаn Szıansıanmen kezdesti. Kezdesýde iri ınfraqurylymdyq jobalardy júzege asyrýdaǵy yntymaqtastyq máselelerine nazar aýdaryldy.
Sondaı-aq uzyndyǵy 768 shaqyrymdy quraıtyn «Taldyqorǵan – О́skemen» jáne 363 shaqyrym bolatyn «Qaraǵandy – Balqash» avtojoldaryn rekonstrýksııalaý, Saspi Bitum jol bıtýmyn óndirý zaýytyn jańǵyrtý boıynsha birlesken jumystardyń nátıjeleri talqylandy.
Premer-mınıstr qurylystyń sapaly ári ýaqtyly júrgizilýin qamtamasyz etý qajettigin atap ótip, ózara tıimdi baılanysty jalǵastyrýǵa daıyn ekenin jetkizdi.
О́z kezeginde CITIC Construction Co., Ltd. tóraǵasy Iаn Szıansıan agroónerkásip sektoryndaǵy qarym-qatynasty keńeıtýge jáne aýyl sharýashylyǵy ónimderin tereń óńdeý salasyndaǵy birlesken jobalardy júzege asyrýǵa qyzyǵýshylyq bildirdi.