Sport mektebiniń dırektorlary Qaırat Dilmanov pen Maqsat Áýelbaev 2022-2024 jyldar aralyǵynda sport mektepteriniń fýtbol alańyn zańsyz jalǵa berip, 11 mln 579 myń teńge paıda tapqan. Osy somadan 650 myń 720 teńge birden jeke esepshotqa aýdarylǵan, dep habarlaıdy Egemen.kz.
Fýtbol alańyn jalǵa alǵan tarap pen mektep basshylyǵy arasynda resmı kelisim-shart jasalyp, tólemder qujatta kórsetilgen arnaıy esep-shotqa aýdarylýǵa tıis bolatyn. Alaıda jaldaý sharttary zańdy jolmen emes, aýyzsha kelisilgen jáne tólemder qolma-qol aqsha túrinde berilgen nemese jeke esepshotqa aýdarylǵan.
Memlekettik-kommýnaldyq menshik múlkine aldaý jolymen zııan keltirgen Maqsat Áýelbaev eki jyl, Qaırat Dilmanov eki jarym jylǵa bas bostandyqtaryn shekteý jazasyna kesildi. Olar jaza ótelgen soń da úsh jylǵa deıin memlekettik qyzmetke alynbaıdy.
Sot aıyptalýshylardyń buryn qylmystyq jaýapkershilikke tartylmaǵandaryn, kámeletke tolmaǵan balalarynyń bar ekendigin jáne keltirgen shyǵyndy tolyq tólegenderin esepke aldy.