Kún ótken saıyn Almatynyń tórindegi Kóktóbe kórkeıip, bıigine kóterilgenderdi ǵajaıyp sezimge bóleıtin tanymal nysanǵa aınalyp keledi. Jaqynda ǵana paıdalanýǵa berilgen, tóbege aparatyn sony soqpaqtar jurttan oń baǵasyn alyp, bul mekende serýendeý burynǵydan da jaıly ári mazmundy bola tústi.
Bitken iske muryndyq bolǵan da almatylyqtardyń ózi. Qala bıligi turǵyndardyń Kóktóbege qatysty ótinishterin eskere otyryp, 2023 jyldyń qazan aıynda jeke ınvestısııa esebinen uzyndyǵy 1,2 shaqyrym bolatyn, jaıaý júrginshilerge arnalǵan «Densaýlyq jolynyń» qurylysyn bastaǵan edi. Sebebi buryn saıabaqqa jaıaý barý ájeptáýir qıyndyq týǵyzatyn. «Densaýlyq jolynyń» iske qosylýy týrısterdiń de kóńilinen shyǵyp otyr. Kún saıyn bul soqpaqpen 10 myńdaı adam Kóktóbege kóteriledi.
Almaty turǵyndary men qonaqtary endi Kóktóbege jaıaý kóterilip, taýlar men aınaladaǵy tabıǵattyń tańǵajaıyp kórinisterin tamashalaı alady. Buryn jaıaý júrginshiler joly avtokólikter toqtamaıtyn joldy qıyp ótetin bolǵandyqtan, qolaısyz ári qaýipti edi. Jańa soqpaq – óte yńǵaıly, densaýlyqqa da paıdaly. Qala turǵyndary munda jıi keledi, jańa soqpaqtar skandınavııalyq serýendeýge de barynsha qolaıly. Joldyń óne boıyna jaryq ornatylǵan, beınebaqylaý, oryndyqtar, qoqys jáshikterimen jabdyqtalǵan. Sonymen birge demalýshylarǵa asqar Alataýdyń, Kóktóbeniń kórkem betkeılerine, Almatynyń kelbetine keńinen qaraıtyn, kóz sýaratyn birneshe baqylaý alańy qarastyrylǵan. Alańdardy abattandyrý bıyl 1 mamyrǵa deıin aıaqtalady.
«Búginde negizgi qurylys jumystary tııanaqtaldy. Jaqyn arada irgeles aýmaqtardy abattandyrý bastalady. Almaty qalasynyń ákimi Erbolat Dosaevtyń tapsyrmasymen, turǵyndardyń ótinishteri qanaǵattandyrylyp, kelýshilerge qolaıly jaǵdaı jasaldy. Munda demalýshylar endi erkin seıil-serýen qura alady», deıdi «Kóktóbe» saıabaǵynyń ókili Farhad Ýálı.
Kóktóbe saıabaǵyna jyl saıyn 600 myńdaı adamnyń tabany tıedi. Onyń bastapqy núktesi – Ortalyq Azııadaǵy eń alǵashqy, 1967 jyly paıdalanýǵa berilgen, jalpy uzyndyǵy 1620 metr, 17 gondolalyq kabınasy bar qaıtalanbas aspaly jol eken belgili. Alty mınýtta joǵaryǵa alyp baratyn kabınalardan da keremet kórinisterdi tamashalaýǵa bolady.
ALMATY