Prezıdent Qasym-Jomart Toqaev Ulttyq quryltaıdyń tórtinshi otyrysynda elimizdiń derekti muralaryn saqtaý baǵytyndaǵy jumysty jandandyrýǵa qatysty naqty tapsyrma bergen bolatyn. Osy bastamaǵa oraı «Handar shejiresi» qoljazbasy IýNESKO-nyń halyqaralyq «Álem jady» tizimine engizildi, dep habarlaıdy Egemen.kz.
«Handar shejiresi» qoljazbasy – XVIII ǵasyrda jazylǵan, uzyndyǵy 3 metrden asatyn búkteme qaǵaz túrindegi qujat.
IýNESKO moıyndaǵan bul biregeı artefakt qazaq elin basqarǵan handardyń shejiresi baı ekenin ańǵartady. Sonymen qatar VI-XIX ǵasyrlarda ómir súrgen tarıhı tulǵalardyń shyǵý tegin jáne olardyń ózge halyqtarmen qalaı baılanys ornatqanyn túsinýge múmkindik beredi.
Buǵan deıin IýNESKO tizimine Qoja Ahmet Iаssaýıdiń qoljazbalary, «Nevada-Semeı» halyqaralyq antııadrolyq qozǵalysy týraly muraǵat materıaldary, sondaı-aq Aral teńiziniń muraǵat qory engizilgen bolatyn.