Qatar astanasy Dohada ótip jatqan sporttyq gımnastıkadan Álem kýbogynyń kezeńinde Qazaqstan quramasy tabysty óner kórsetti, dep habarlaıdy Egemen.kz.
Erkin jattyǵý baǵdarlamasynda Mılad Karımı men Altynhan Temirbek el qorjynyna altyn jáne kúmis júlde saldy.
Mılad Karımı tamasha nátıje kórsetip, 14.466 upaımen jarys jeńimpazy atandy. Odan keıingi oryndy 13.633 upaı jınaǵan Altynhan Temirbek ıelendi. Úzdik úshtikti Ulybrıtanııa ókili Sem Mostoýfı túıindedi — onyń kórsetkishi 13.600 upaı.
Aıta keteıik, 18 sáýirde ótetin at snarıadyndaǵy jattyǵýdyń fınaldyq kezeńine taǵy eki qazaqstandyq gımnast — Narıman Qurbanov pen Zeınolla Ydyrysov qatysady.