Qyzylorda oblysy Aral aýdanynda jergilikti turǵyn qoǵamdyq oryndarda bylapyt sóılep, tynyshtyqty buzypty, dep jazady Egemen.kz aqparat agenttigi.
Osyǵan baılanysty aýdandyq polısııa bóliminiń qyzmetkerleri quqyq buzýshyǵa qatysty ákimshilik hattama toltyryp, jınaqtalǵan qujattar aýdandyq sotqa joldanǵan. Ákimshilik is ashyq sot otyrysynda qaralyp, sot qaýlysymen turǵyn 10 táýlikke qamaqqa alyndy.
Osy sotqa oblys kóleminde ótip jatqan «Jasóspirim» jedel profılaktıalyq sharasy aıasynda jasóspirimder de qatysty. Kámeletke tolmaǵandar arasyndaǵy quqyq buzýshylyqtyń aldyn alýmen aınalysyp júrgen mamandar osy osy arqyly jastarǵa teris qylyq jasaǵandar jazadan qutylmaıtynyn kórsetkisi kelipti. Sot tóraǵasy oqýshylarǵa tárbıelik máni bar túsindirme jasady.
Sot prosesinen keıin jasóspirimder polısııa qyzmetkerlerine saýal qoıyp, keńester aldy.