Pavlodar oblysy boıynsha memlekettik kirister departamenti sheteldik kásiporyndardyń 1 mln 665 myń AQSh dollarynan astam somaǵa oryndalmaǵan mindettemelerin anyqtady, dep habarlaıdy Egemen.kz.
Departament qyzmetkerleri sheteldik kompanııalardyń Ertis-Baıan óńirinde ornalasqan kásiporyndarynyń eksporttyq-ımporttyq valıýtalyq operasııalaryna baqylaý júrgizip, 1 mln 665 myń AQSh dollarynan astam somaǵa mindettemelerin oryndamaǵanyn áshkereledi.
- Pavlodar kásiporyndary aýyl sharýashylyǵy ónimderin (astyq, kartop, kúnbaǵys tuqymdary jáne t.b.) eksporttaǵan, sondaı-aq eksporttan ulttyq jáne (nemese) shetel valıýtasyndaǵy túsimderdi banktik shottarǵa eseptemegen. Rezıdent «Valıýtalyq retteý jáne valıýtalyq baqylaý týraly» Zańnyń 9-babyna sáıkes ulttyq valıýtany jáne (nemese) shetel valıýtasyn eksport nemese ımport jónindegi valıýtalyq shartta kózdelgen merzimderde repatrıasııalaýdy qamtamasyz etýge mindetti. Pavlodar qalalyq jáne oblystyq sottarynyń qaýlylarymen rezıdent-kásiporyndar QR Ákimshilik quqyq buzýshylyq týraly kodeksiniń 251-baby boıynsha kináli dep tanylyp, 215 mln teńge mólsherinde ákimshilik aıyppul salyndy,-dep habarlady departamentten.
Sottardyń qaýlylary zańdy kúshine endi.
Pavlodar oblysy