Reseı Federasııasyna resmı sapary barysynda Premer-mınıstr Oljas Bektenov pen RF Úkimetiniń tóraǵasy Mıhaıl Mıshýstınniń arasynda júrgizilgen kelissóz barysynda eki memleket basshylary deńgeıinde qol jetkizilgen ýaǵdalastyqtardy is júzinde júzege asyrýǵa, onyń ishinde ózara taýar aınalymyn $30 mlrd-qa deıin arttyrýǵa nazar aýdaryldy, dep habarlaıdy Egemen.kz Úkimettiń baspasóz qyzmetine silteme jasap.
Kólik-tranzıttik yntymaqtastyq, aýyl sharýashylyǵy, qorshaǵan ortany qorǵaý, energetıka jáne gaz, ǵarysh salalaryndaǵy, sondaı-aq mádenı-gýmanıtarlyq baılanystardaǵy ózara is-qımyl máseleleri qaraldy.
О́tken jyly ekijaqty taýar aınalymy kólemi shamamen 3%-ǵa ósip, $27,8 mlrd-qa jetti. Bıznes sýbektileri 45,4 myńǵa jýyq jumys ornyn ashý arqyly birlesip 171 jobany iske asyrady.
Ekijaqty yntymaqtastyqtyń mańyzdy baǵyttarynyń biri – agroónerkásip keshenindegi ózara is-qımyl. О́tken jyldyń qorytyndysyna sáıkes, ekijaqty negizdegi ózara shekteýlerdi alyp tastaý nátıjesinde saladaǵy taýar aınalymy 4,5%-ǵa ósip, $3,8 mlrd-ty qurady.
Kólik-tranzıttik baǵytta byltyrǵy jyldyń qorytyndysy boıynsha «Soltústik – Ońtústik» halyqaralyq dáliziniń Shyǵys tarmaǵy boıynsha júk aǵynynyń kórsetkishteri 2,4 mln tonnaǵa deıin ósti.
Taraptar ózara saýdanyń oń dınamıkasyn saqtaýdyń mańyzdylyǵyn atap ótti. Ekijaqty saýda aınalymyn arttyrýda jáne ózara is-qımyldyń keń aýqymdy máselelerin sheshýde Yntymaqtastyq jónindegi úkimetaralyq komıssııanyń qyzmeti erekshe mańyzǵa ıe.
Kelissózder qorytyndysy boıynsha ózara tıimdi saýda-ekonomıkalyq yntymaqtastyqty nyǵaıtý nıetteri rastaldy.