Qarqaraly sýretteri

Júrsin Shaıahmetulynyń talanty tabıǵattan dary­ǵan­­daı. Jany dalamen egiz. Qyl­­qa­­lamymen Arqanyń injý-mar­janyna aınalǵan Qarqa­­ralyny kóp salypty. Shaı­tan­kólin, ormanyn, taýyn sý­rettepti. Týǵan jerge arnal­ǵan 100-den asa týyndyny ja­ryqqa ákelgen. Ereksheligi sol, birine-biri uqsamaıdy. «Or­mandaǵy tań», «Qarqaraly taý­lary», «Taý ishinde», «Aıly tún», «Shaıtankól», «Kenttegi qys» sekildi ǵajap kartınalarynan sulý tabıǵatqa degen ińkárlik, týǵan jerge degen saǵynysh lebi seziletindeı.

Kórmeniń saltanatty ashylý rásiminde qaraǵandylyq tanymal sýretshi Murat Qalqa­baev kórme jumystaryn tama­shalap shyqqanyn, Júr­sin Shaıahmetulynyń shyǵar­mashy­lyǵymen buryn­nan tanys ekenin aıtyp, mereıtoıymen quttyqtady.

Júrsin Balkenov – E.A.Bó­ketov atyndaǵy Qara­ǵandy zert­teý ýnıversıtetiniń, kásibı-kórkem óner fakýl­teti­niń dızaın jáne beıneleý óneri kafedrasynyń professory, beıneleý óneriniń jana­shyry. Sonaý 1987 jyly Qara­ǵan­dyǵa aspırantýrany endi bi­tirip kelgen ol ónerli jastar bilim alsyn, oqysyn dep pe­da­gogıkalyq ınstıtýtta «Kórkem sýret» fakýltetiniń qaıta ashylýyna yqpal etken edi.

Al Sýretshiler odaǵynyń oblystaǵy tóraǵasy Aıdarhan Qalmahanov mereıtoı ıesiniń omyraýyna «Beıneleý óne­rine sińirgen eńbegi úshin» tósbelgisin jarqyrata taqty.

«Sýretshi talǵamy aıtar oıymen úndes bolý kerek. Sonda óner baǵaly bolady. Máselen, men árbir ju­my­symda qazaqtyń janyn kórsetýge umtylamyn. Sondyq­tan da «Danalyǵym – dala» degendi únemi aıtyp otyra­myn. Sebebi Eýropada, basqa jurtta dala degen uǵym bola bermeıdi. Ol túrki jur­tyna ǵana tán, onyń ishinde qazaqta bar. Buǵan deıin men jumy­syma kórgen dúnıemdi aınyt­paı salýdy maqsat sana­mappyn. Ony fotoapparat­tar da min­siz oryndaı alady. Meniń oıla­ǵanym – árbir salǵan kartınam arqyly adam janyna úńilý, adam janyn sóıletý, sýret arqyly syrlasý. Osyǵan deıin beıneleý óneri jóninde birneshe ǵylymı kitap jazdym. Sonyń paıdasyn qazaq balalary kórip jatyr. Osydan artyq baqyt bar ma?», dep tebirendi sýretshi.

Qaraǵandy oblysy